Бөлүмдөр
Шаршемби, 21-ноябрь
Талас облусуКара-Буура району 25.01.2018 08:01

Эл ичи — өнөр кенчи: Кара-бууралык Д.Дамирова сахнага кадам таштап, ыр жаздырып, клип тарттырды (фото)

Turmush -  Кара-Буура районунун Бейшеке айылынын 20 жаштагы тургуну Диана Дамирова чыгармачылыкка аралашып, белгилүү ырчы болууга аракет көрүүдө. Аймактык кабарчы аны менен таанышты.

Өзүнүн айтымында, учурда Б.Бейшеналиева атындагы искусство университетинде 4-курста окуп жатат. Чыгармачылыгына ата-энеси колдоо көрсөтөт.

«Бала кезимде эле чоңойгондо ырчы-бийчи болом деп кыялданчумун. 9 жашымда «Айчүрөк» эстрада театрында ыр-бий боюнча тажрыйба топтодум. Андан кийин М.Күреңкеев атындагы музыкалык окуу жайда билим алдым. Кийин «Миң-Кыял» бий тобу менен фестивалдарга чыктым. Жеке чыгармачылыгымда «Жаштык кез» деген ыр жаздырып, клип тарттык. Эң алгач сахнага «21-кылымдын жылдыздары» аттуу концертте Данияр Эрматов менен «Суктанам» чыгармасын дуэт ырдап чыккам. Андан кийин «Ай жезде» деген чыгарманы ырдадым. Кудай буйруса эл сыймыктана турган инсан болсом деген чоң максатым бар», - деди ал.

Ырчы кыз үй-бүлөдө 6 бир туугандын үчүнчүсү.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×